Не престануваат реакциите за црната Клеопатра во новата серија на Нетфликс. Откако Клеопатра во ликот на Црнкиња ги стави Твитерџии во бес, сега работите стануваат посериозни.
Адвокат поднесе тужба против Нетфликс за кршење на законите за медиуми и обид да го „избрише египетскиот идентитет“, а најпознатиот египетски археолог инсистира дека Клеопатра имала „бледа кожа, а не црна“. А продуцентите на докудрамата велат дека потеклото на Клеопатра е сомнително.
Клеопатра е родена во Александрија во 69 п.н.е. и била последната кралица од династијата основана од Птоломеј, генералот на Александар Македонски. Птоломејската династија зборувала на грчки јазик.
Таа го наследи нејзиниот татко Птоломеј XII на тронот. 51 година п.н.е и владееше до нејзината смрт дваесет години подоцна. После тоа, Египет потпаднал под римска доминација. Идентитетот на мајката на Клеопатра е непознат, а историчарите веруваат дека е можно таа да била домородна Египќанка или од некој дел на Африка.
Клеопатра во серијата на Нетфликс ја игра Адел Џејмс, која е од мешана раса и со африканско потекло. Продуцентите велат дека тоа е одраз на „вековната дебата за расата на Клеопатра“.
Џејда Пинкет Смит, сопругата на Вил Смит и американска актерка која е наратор и продуцент на оваа драма, рече: „Не гледаме или слушаме често приказни за црните кралици, и на мене, на ќерка ми и на нашата заедница ми е многу важно таквите приказни да се познати“.
Серијата е на удар на осуди и во Египет. Захи Хавас, истакнат египтолог и поранешен министер за антиквитети, тврди дека тоа е измислица.
„Тоа е целосна лага. Клеопатра била Гркиња, што значи била бела.
„Нетфликс се обидува да предизвика конфузија со ширење лаги дека потеклото на египетската цивилизација е црна“, рече тој.
Адвокатот Махмуд ал Семари побара од државниот обвинител да преземе „неопходни правни мерки“ и да го блокира пристапот до услугите на Нетфликс во Египет. Нетфликс е обвинет за промовирање афроцентризам и бришење на египетскиот идентитет. Актерката Адел Џејмс на Твитер кратко одговори: „Ако не ви се допаѓа поделбата на улогите, не гледајте“.
