Пред неколку месеци, Линдзи Лохан, која се омажи за финансиерот Бадер Шамас во 2021 година, ги изненади сите кога откри дека е бремена и дека очекува момченце. Таа сега се породила во Дубаи, каде парот живее, а својот прв наследник го нарекле Луаи. Името е од арапско потекло и значи „штит“ или „заштитник“.
View this post on Instagram
Лохан последен пат беше фотографирана на 9 февруари на ревијата на Кристијан Сириано во Њујорк. Актерката тогаш носеше широка облека, а никој не се ни посомневал дека е бремена. Таа објавуваше фотографии и на Инстаграм, но секогаш го криеше средниот и долниот дел, па речиси никој не можеше да заклучи дека актерката е всушност бремена. Дури подоцна почна да споделува фотографии во веќе поодмината бременост.
Кариерата ја започна уште како дете, а вртоглавиот успех и донесе бројни улоги, но и проблеми со алкохолот. Продуцентите и режисерите не сакаа да соработуваат со неа, а папараците имаа полни раце работа фотографирајќи ја како постојано се забавува. Беше и во притвор поради возење во пијана состојба, по што беше осудена на 120 часа општествено корисна работа.
Но откако речиси преку ноќ се пресели во Дубаи и се запозна со финансиерот Шамас, животот го промени од корен. Денес навистина има што да прославува.
