Пејачката и поранешна победничка на Евровизија, Марија Шерифовиќ, одржа концерт во Славонски Брод во Хрватска.
За време на паузата во изведбата на хитовите кои ја одбележаа нејзината кариера, таа им се обрати на присутните да им каже да го поддржат нивниот претставник на Евровизија, Бејби Лазања, во финалето што ќе се одржи вечерва во Малме:
„Знаете што, Евровизија некому му е важна, некому не, но утре во девет треба да навивате за вашиот Бејби Лазања. Тој настапува под број 23, јас знам повеќе од вас. Сега ова не го велам како евровизиски фан, туку како личност која учествувала, верувајте ми, на оние луѓе кои одат таму, им е многу важна, како и секоја ваша работа, желбата за успех и остварување на некои соништа. Сакам моите соседи да бидат домаќини следната година, а вие ќе разберете што значи тоа и за Хрватска…“, рече Марија на концертот и продолжи:
„Значи, ние навиваме, вие за Теја Дора, ние за Бејби Лазања. За мене нема граници, луѓето ги третирам дали се добри или помалку добри, или воопшто не се добри… И тие упорно се обидуваат да повлечат граници“ .
