Новите песни на српската пејачка Ана Николиќ повторно се објавени на нејзиниот официјален канал на Јутјуб.
По ненадејното објавување на петте нови песни и нивното уште побрзо отстранување од платформата на Јутјуб, Ана Николиќ повторно има причина за славење. Таа сега ги објави готовите, довршени песни на својот официјален канал и тоа го прослави со колегите во студиото на нејзиниот емотивен партнер Горан Ратковиќ Рале.
Ана прво се огласи на Инстаграм и наведе:
– Благодарам на сите мои соработници (сите преживеаја). До моите фанови за трпението, љубовта и истрајноста. Вашата Ана, опструкција во обид – навела Ана на Инстаграм и покажала кадри од студиото.
Додека Рале го отворал шампањот, таа се качила на стол, запеала, на естрадата ѝ порачала „Благодарам, збогум“, а потоа му се обратила на Рале со емотивна порака.
„Љубов и гениј… Марина недостасуваш“, напишала таа и продолжила да му се заблагодарува на Рале.
Да потсетиме, по отстранувањето на песните се појавија шпекулации за причината, а Рале тогаш се огласи за медиумите и откри дека демо верзиите биле објавени по грешка.
