18.8 C
Скопје
16:22 - 20 април, 2024

Протести во Франција: „Макрон ја покажа слабоста со одлуката за зголемување на старосната граница за пензионирање во Франција“

Одлуката на францускиот претседател Емануел Макрон да ја наметне својата длабоко непопуларна пензиска реформа, заобиколувајќи го парламентот на земјата, ја покажа неговата слабост. За тоа пишува Политико.

„Покажувањето на сила, исто така, покажува ослабен претседател кој, откако го загуби своето мнозинство во парламентот и во услови на низок рејтинг, не беше во можност да го сврти бранот на јавното мислење во Франција“, се вели во написот.

Политико забележува дека иако францускиот Устав им дозволува на властите, под одредени услови, да го заобиколат парламентот, користењето на оваа можност во Франција се повеќе се смета за недемократско во позадината на социјалните тензии и растечката недоверба кон политичарите.

„Политико“ предвидува дека владата на Макрон „ќе мора да издржи неколку гласови за недоверба“ во блиска иднина. Владата на Макрон се соочуваше со гласови за недоверба во минатото, но овој пат влогот е многу поголем.

Претходно, француската премиерка Елизабет Борн објави дека владата одлучила да ја зголеми старосната граница за пензионирање во земјата од 62 на 64 години, заобиколувајќи го Парламентот.

Марин Ле Пен, лидер на опозициската десничарска партија Национален собир во францускиот парламент, ја објави својата намера да ѝ изгласа недоверба на француската влада предводена од премиерката Елизабет Борн поради нејзината одлука за контроверзната пензиска реформа.

Ројтерс смета дека францускиот претседател Емануел Макрон сметал дека финансиските и економските ризици од неактивноста на пензиските реформи се преголеми и дека се потребни посебни уставни овластувања за нејзино спроведување.

На 11 март низ цела Франција се одржаа протести против зголемувањето на старосната граница за пензионирање. Во нив учествуваа речиси 370 илјади луѓе.

Слични објави

За минута зема 2 000 евра бакшиш! Бресквица направи хаос меѓу публиката со песната „Орлово гнездо“

Еспресо

(Фото) Поради неа ја оставил мисицата: Починатата водителка Бојана има сестра близначка како јајце слична на неа

еспресо

Неделен хороскоп, од 22 до 28 април: Среќно небо за Овните, добра вест за Лавовите, љубовни искри за Водолиите…

еспресо

Колегите на водителката Бојана Јанковиќ во шок: Пред смртта била најсреќна личност во светот

еспресо

Водителката Бојана Јанковиќ пронајдена мртва во стан, се чека на обдукција на телото

еспресо

Астропрогноза за сабота, 20 април: Вагите да посветат внимание на партнерот, Водолиите да се отворат за нови познанства

еспресо
Се вчитува....