Пејачот Саша Ковачевиќ оваа година работи со „полна пареа“, а покрај два концерта, редовно настапува во земјата и во странство, а сега српските медиуми го најдоа и на аеродромот „Никола Тесла“ кога се враќаше од настап.
„Со Божја волја, продолжувам, се враќам од Подгорица, ќе одморам малку, но продолжуваме со Сава центар, третиот концерт е закажан за 7 февруари“, рекол Саша.
На неговиот концерт се појавија многу колеги за што тој е пресреќен.
„Срцето ми е полно поради тоа, а многу од моите колеги не сепо јавија за жал поради вирусот, кој ме собори и мене неколку дена пред концертот. Сите што не беа на првите два ќе се појават на третиот“, рекол тој и открил дали е задоволен од тоа како помина сè: „Сум. Не сум задоволен од некои технички работи. Но, ќе работам на тоа да го доближам до моите очекувања на третиот“.
Саша одговарил и на прашањето за расправијата со колешката Емина Јаховиќ.
„Не. Не го правам тоа. Малку ми е преку глава, да бидам искрен. Не сакав ни да навлегувам во тоа, не би коментирал“, рече Ковачевиќ и додал дека им симнува капа на сите што одржале серија концерти во Сава Центарот и Ушче, како што е Емина: „Секако ѝ честитам. Голем успех е, па честитки“, рекол тој.
