Познатиот јужнокорејски актер Сонг Јае-рим, најпознат по улогата во серијата „Месечината го прегрнува сонцето“, почина трагично на 39-годишна возраст. Актерот е пронајден мртов во својот дом во Сеул на 7 ноември, соопшти локалната полиција, пренесува „Дејли мејл“.
Како што понатаму се наведува, неговото тело го пронашол пријател кој пристигнал во станот за да руча со актерот. Полицијата на лице место пронашла и писмо напишано на две страни.
Официјалните лица рекле дека нема индиции за какви било сомнителни околности, а точната причина за смртта сè уште е под истрага. Семејството на актерот соопшти дека погребот ќе се случи на 14 ноември со присуство на најблиското семејство.
Сонг е најпознат по улогата во хит серијата „Месечината го прегрнува сонцето“, а глумеше и во продукциите „Жешки нудли“, „Кул момци“, „Две недели“ и други.
