Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи посен леб со маслинки.
– Посно, меко, превкусно! – вели Мартина и препорачува сите да го пробате ова лепче.
– Доколку постите без масло, маслото изоставете го од рецептот, нема проблем доколку не го ставите, додава таа.
Сè што треба да направите е само да ги измешате сите состојки и да замесите меко тесто. Оставете го тестото да се удвои околу 1-1ипол час.
Тестото поделете го на два дела, за да добиете две лепчиња. На средина ставете ги маслинките и преклопете од страните. Оставете го лепчето повторно да се удвои околу 30-тина минути, па печете во загреана рерна на 200-220 С околу 15-20 минути.
Оставете го да се излади, па може да го послужите. Мартина ви го препорачува тостирано со некој намаз.
Добар апетит!
