– Како што веќе најавивме, утре ќе се задржи променливо облачно со сончеви периоди, додека од петок па натаму времето ќе биде сончево со мала до умерена локална облачност. Утре ќе дува умерен до засилен ветер од северен правец, додека температурите и понатаму ќе бидат натпросечно високи и во следните денови максималните дневни ќе се искачуваат во интервалот од 9 до 14 степени. Позитивни ќе бидат и мининамлните утрински температури.
Особено топло ќе биде во првите денови од новата 2022 година, односно за време на викендот кога максималните температури ќе се искачуваат во интервалот од 10 до 16 степени, а времето ќе биде стабилно, суво и сончево – вели нашиот метео прогнозер Славчо Попоски.
И во Скопскиот регион утре времето ќе биде променливо облачно со умерен до засилен ветер од северен правец, додека потоа во следните денови ќе имаме сончево време со мала до умерена локална облачност. Температурите ќе се искачуваат во интервалот помеѓу 10 и 13 степени, што значи дека истите ќе бидат натпросечно високи.
