Американската глумица Хали Бери (53), се јави во емисијата „The Tonight Show With Jimmy Fallon“ и раскажа различни детали за нејзиниот приватен живот, а откри и како колегата Пирс Броснан и го спасил животот.
Пред 18 години таа беше девојката на Џејмс Бонд и на снимањето на филмот соработувала со Броснан. Во една прилика кога требало да снимат една од жешките сцени, Хали почнала да се гуши бидејќи парче смоква и се заглавило во грлото.
„Требаше да бидам секси и заводливо да грицкам смоква, но во еден момент почнав да се гушам од неа. Пирс мораше да стане и да ми направи Хеимличов зафат. Џејмс Бонд знае како да го направи тоа! Ми го спаси животот и секогаш ќе биде една од најмилите личности во мојот живот“, раскажа глумицата.
Неодамна Хали Бери беше на удар на критиките бидејќи објави видео од нејзиниот син како оди на штикли. Бери само сакала да се пошегува со фактот дека на нејзиниот 6-годишен син толку многу му е здодевно, што ги облекол нејзините чевли со штикла, но нејзините фанови не ја прифатија најдобро нејзината шега.
