Легендарниот музичар Мит Лоуф, чиј албум „Bat Out Of Hell“ е еден од најпродаваните на сите времиња, почина на 74-годишна возраст.
Добитникот на Греми починал во четвртокот вечерта, а причината за неговата смрт нема да биде објавена на барање на семејството.
Веста за смртта на музичарот чие вистинско име е Марвин Ли Адеј ја објави неговиот долгогодишен агент Мајкл Грин, а во официјална објава на Фејсбук се наведува дека во моментот на неговата смрт со него била сопругата Дебора.
Агентот наведува и дека ќерките Перл и Аманда ги поминале последните моменти со својот татко пред да почине.
– Нашите срца се скршени. Мораме да ве информираме дека вечерва почина неповторливиот Мит Лоуф. До него беше неговата сопруга Дебора. Знаеме колку тој им значеше на многумина од вас и навистина ја цениме љубовта и поддршката додека жалиме за загубата на инспиративниот уметник и прекрасен човек, се вели во соопштението на семејството.
Mузичарот е роден во Тексас и ќе остане запаметен по својот уникатен вокал.
