Како резултат на галопирачката инфлација, платите растат речиси насекаде во Европа. Во април, во еврозоната, инфлацијата достигна врв од 7,5%, а веќе договорени се зголемувањата на платите, ова го објавил главниот економист на Европската централна банка, Филип Лејн.
Така, ако во Франција минатата година минималната плата се зголемила три пати (вкупно за 5,9%), синдикатите си поставиле цел да достигнат 2.000 евра месечно.
Во Шпанија минималната плата достигнала илјада евра, а се утврдени 14 плати во годината. Во Португалија синдикатот побарал зголемување од 705 евра месечно на 800 минимална плата.
Во Германија за 85-те илјади работници во челичарниците, Синдикатот ИГ метал се обидува да издејствува покачување на платите од 8,2%, а во меѓувреме истото се случило и за хемичарите и фармацевтите.
Минималните примања по час кои во октомври беа 10 евра веќе скокнале на 12 евра, а во Данска синдикатот Фнв се обидува да ги зголеми на 14 евра на час. Во Луксембург и Кипар, платите се поврзани со инфлацијата, односно колку отсто е инфлацијата за толку се зголемуваат и платите.
