Шпанскиот оперски пејач Пласидо Доминго (79) во неделата на својот Фејсбук профил објави дека бил заразен со коронавирус.
– Чувствувам дека е моја морална обврска да пријавам дека сум позитивен за „Ковид-19“, познат и како коронавирус. Јас и моето семејство сме изолирани и ќе останеме вака онолку време колку што медицински е потребно, – рече тој преку Фејсбук.
– Сите сме моментно добро, но кашлам и имам треска што ме натера да одлучам да тестирам и резултатот беше позитивен. Ве молам сите да бидете крајно внимателни и да ги следите препораките на здравствената служба, – додаде тој.
