По две години снимање, Томас Покестајнер и Питер Јаблоновски создадоа фасцинантно видео кое ја прикажува убавината на нивната земја, Австрија.
Видеото наречено „A Taste of Austria“, кое претставува компилација од 600 клипови, ги воодушеви љубителите на патувањето ширум планетата.
Иако секој кадар може да се смета за посебна целина, творците на видеото одлучија да ги поврзат кадрите во една целина со зумирање при преминот од еден на друг кадар.
Гледачите исто така имаат прилика на уникатен начин да уживаат во приказните на градската атмосфера, туристичките места, живописните планински предели, прекрасните полиња, природата, убавината, односно сето она што ќе ги убеди дека вреди да патуваат во Австрија.
