Саша Поповиќ бил голем љубител на луксузни автомобили, а неговиот возен парк бил проценет на околу еден милион евра. По неговата смрт се шпекулираше дека вдовицата на Саша, Сузана Јовановиќ, продала дел од автомобилите што ги поседува семејството, но тоа не е вистина.
Како што сега се наведува, сите автомобили сè уште се во сопственост на семејството, а ова го потврди и учесникот на српското музичко натпреварување „Ѕвездите на Гранд“ од годинава, Зоран Ружиќ Ферари. Малку е познато дека Зоран ги сервисирал автомобилите на Саша Поповиќ и дека покојниот директор на „Гранд продукција“ првпат го слушнал како пее кога дошол во Виена на автосервисот каде што работи Зоран.
– Секако дека е ограничен модел бидејќи му припаѓа на посебна личност. Уникатен е, посебен и емотивно најдраг ми е бидејќи му припаѓа на нашиот покоен г-дин Саша Поповиќ – изјавил Зоран за „Гранд“ и јавно ѝ се заблагодарил на Сузана Јовановиќ:
– Благодарен сум на неговата сопруга што ми дозволи да дојдам со овој автомобил. Го знам секој детаљ од овој автомобил, бидејќи самиот го сервисирав. Ми евоцира спомени на Саша. Ферари не е за секого. Ова е ограничена серија, плус има некои индивидуални детали што тој лично ги сакал. Нема два вакви – истакнал Зоран Ружиќ.
