Светски познатата веб-страница „Celebrity networth“ своевремено откри колку се „тешки“ бројни познати личности, меѓу кои се најдоа и некои од овој регион, како Лепа Брена, Светлана Цеца Ражнатовиќ и Драгана Мирковиќ, која важи за најбогатата српска пејачка.
Откако беше објавено дека богатството на Ражнатовиќ вреди 80 милиони, како и дека Драгана со 100 милиони долари е убедливо на првото место, на ред дојде и Јелена Карлеуша.
Богатството на пејачката се проценува на вртоглави 40 милиони долари.
На популарната веб-страница Јелена е опишана како една од најпопуларните пејачки на Балканот, чија кариера ја красат 12 студиски албуми, а добитничка е и на неколку музички награди.
Инаку, Карлеуша и Тошиќ пред неколку години купија вила од Драган Стојковиќ Пикси, која се наоѓа на Дедиње, вредна околу три милиони евра, каде Карлеуша сега живее со своите ќерки.
Покрај тоа што купил два имоти во Белград, поранешниот фудбалер Тошиќ изградил и куќа во Орловат, во местото каде што живее неговата мајка Николета.
Тошиќ, освен што поседува луксузни недвижности, заработи огромна сума како фудбалер кога потпиша договор за кинескиот клуб – Гуангџоу Р&Ф.
