Пејачката Гоца Тржан вели дека обожава да го допира својот сопруг во јавност, иако оние околу нив негодуваат за тоа.
Русокосата пејачка е во брак 10 години со Радомир Новаковиќ, кој е 14 години помлад од неа, и иако нивната врска наидува на мешани реакции од јавноста уште од самиот почеток, Гоца вели дека тие не обрнуваат внимание на околината и дека се обидуваат да ја задржат страста и блискоста меѓу нив како на првиот ден.
Во интервју за „Информер“ Тржан откри детали за своите интимни врски како и за сопругот и малите тајни за одржување на бракот. На прашањето дали со Раша се романтични и колку често се изненадуваат, пејачката одговори:
– Не, бидејќи мислиме дека подароците и романтичните изненадувања се губење време, дека немаат вредност и дека не постигнуваат апсолутно ништо. Блискоста во бракот ја одржуваме со постојано разговарање и „поттикнување“ на егото еден на друг. Покрај тоа, обожаваме да се допираме, дури и јавно! Немаме проблем со тоа и обожаваме постојано да бидеме еден до друг. Од друга страна, околината нè обвинува за тоа и вели дека сме груби затоа што се допираме кога сме на јавни места.
