Се уште не е постигнат мир меѓу Меган Маркл и нејзиниот татко Томас, кој сега е решен да продолжи да ја напаѓа ќерка си, односно војвотката од Сасекс, преку новиот канал на Јутјуб посветен на неа.
Меган Маркл и принцот Хари не можат да најдат мир, таткото на Меган, Томас Маркл, е подготвен да лансира своја серија на Јутјуб за да ја нападне својата најмлада ќерка, а да ја заштити постарата ќерка, Саманта.
Томас Маркл е подготвен (повторно) да ја каже својата вистина, овој пат не со ТВ ексклузива, туку со своја емисија, на Јутјуб. Таткото на Меган Маркл го најави лансирањето на негов канал, вест што ги потресе војводите од Сасекс, велат упатените.
Хари и Меган стравуваат од понатамошни клевети и напади од таткото, кој со години не е во добри односи со ќерката, и кој продолжува да ја напаѓа преку сите средства за комуникација.
Според гласините кои ги пренесува „Мирор“, Томас Маркл секоја недела ќе зборува само и исклучиво за врската со својата ќерка, а вестите за неа ќе ги коментира со своите следбеници на каналот. Томас Маркл нема да биде сам во емисијата туку ќе му се придружат двајца експерти за кралски семејства, Лејди Колин Кембел и Џо Роган.
„Том сака да ја слушнете вистината директно од неговата уста“, рекол неговиот пријател Карл Ларсон. „Тој верува дека Хари и Меган нанеле штета на неговото семејство. Нема да има ограничувања во неговите изјави“.
Врската – татко и ќерка се наруши непосредно пред венчавката на војводите од Сасекс, кога Томас почна да дава интервјуа за медиумите за приватни работи на Меган. Така започна ескалацијата на недоразбирањата што доведоа прво до исклучување на г-дин Маркл од кралската венчавка, а потоа и од целиот живот на неговата ќерка и неговите внуци, Арчи и Лилибет Дијана, кои никогаш не ги запознал.
