Пејачката Неда Украден постојано е на четири адреси и патува меѓу Загреб, Белград, Сараево и Риека, а сега признава дека нејзината оаза на мирот е Имотски. Токму во овој далматински град Неда ја гледа својата иднина и вели дека би сакала да ги помине последните денови таму.
-Јас сум всушност насекаде, на четири адреси, но Имотски дефинитивно е оаза на мирот. Рај, тоа е мојот рај. Тоа е мојот одмор, многу сум среќна таму. Можно е таму да ги доживеам последните денови, но со мене никогаш не се знае, јас сум птица преселница, искрено признала Неда Украден.
Позната по својата енергија, шарм и животна мудрост, Неда истакна и колку за неа значи отвореноста кон луѓето и културите:
– Никогаш не сум била некој што израснал само во еден двор. За мене целиот свет е мојот дом на некој начин. Не ми пречи што некој зборува, јаде, се облекува поинаку… Важно е да имаме човечки однос и почит.
