Снимањето на 11-та сезона на „Никогаш не е доцна“ официјално започна, а посебна емоција и возбуда во студиото предизвика враќањето на авторот на емисијата, Жика Јакшиќ.
По здравствениот проблем со кој се соочи непосредно пред големото финале од претходната сезона и неговото закрепнување во текот на летото, Јакшиќ се врати на сцената пречекан со громогласен аплауз од публиката.
Видливо трогнат од приемот, тој не ги криеше своите емоции кога ѝ се обрати на публиката во студиото.
– Ајде да ја истуркаме оваа прва емисија со ваша помош. Јас се опоравив околу 85%, за другите 15% ќе ми помогнете вие - рече Јакшиќ.
Во едно интервју за Гранд, Жика се присети на денот кога доживеал мозочен удар.
– Станав наутро, отидов под туш вознемирен. Забележав дека нешто се случува, но не бев свесен. Кога почнав да се бричам, ја нанесов пената со левата рака и го зедов бричот со десната рака, како да не е моја рака. Не можев да се избричам, а потоа на гласно реков, леле, што е ова. Забележав дека лицето ми се „паѓа“ и зборував како пијан. Се облеков и му се јавив на едно момче кое работи во компанијата, тој ме однесе во КБЦ Бежанијска, тие со брза помош ме префрлија во болницата Свети Сава. Бев во болница шест дена – рече тој.
Првата емисија од новата сезона на Никогаш не е доцна ќе се емитува во недела, 21 септември, во 21 часот.
