Денес, 19 јануари, на Богојавление Водици традиционално се јаде пача, односно пивтија. Па, доколку вчера не сте ја подготвиле, не ви е доцна ни денес. Ви го носиме највкусниот рецепт.
Намирници:
6 свински нозе (3 суви и 3 свежи)
3 свински опашки
2 пара свински уши
1 свинска коленица
4 чешниња лук
сол, бибер, ловоров лист…
ПОДГОТОВКА:
Исчистете ги состојките и ставете ги во поголемо тенџере, зачинете по вкус и прелијте со вода (околу литар).
Гответе ги состојките на тивок оган неколку часа (до пет часа). Од време на време собирајте ги маснотиите што се таложат на површината.
Пачата е зготвена кога месото само ќе отпадне од коските, а течноста ќе биде леплива. Тргнете го тенџерето од рерната и оставете месото да се излади. Отстранете го вишокот маснотии, доколку ги има.
Процедете ја смесата низ сито, тргнете ги коските и месото на страна и исечкајте ги до посакуваната големина. Месото наредете го во неколку подлабоки чинии, исечкајте го лукот и додадете го врз месото, а потоа секоја чинија прелијте ја со течноста што сте ја исцедиле.
Оставете ги пифтиите убаво да се изладат на студено, по желба наросете црвен пипер.
