Џон Алфред Тинисвуд, најстариот човек на светот според Гинисовата книга на рекорди, почина на 112-годишна возраст.
Тинисвуд е роден во Ливерпул, Англија, на 26 август 1912 година, истиот период кога потона „Титаник“, а последните денови ги поминал во дом за стари лица во Саутемптон, каде што починал во понеделникот.
– Последниот ден го помина со многу љубов и музика – се наведува во соопштението на семејството.
Во април оваа година, на 111-годишна возраст, Тинисвуд стана најстариот човек на светот, поточно по смртта на Хуан Висенте Перез од Венецуела која имаше 114 години.
Клучниот совет на Тинисвуд за да бидете здрави и долговечни беше „да вежбате умереност“.
– Ако пиете или јадете премногу, ако премногу одите, ако правите премногу од што било, на крајот ќе страдате, затоа бидете умерени во сѐ – изјавил тој.
