Актерката Меган Фокс се расплака во неодамнешното интервју за Glamour UK додека зборуваше дека нејзиниот најстар син, 9-годишниот Ноа бил малтретиран на училиште.
Вели дека нејзиното срце е скршено од суровоста на децата со кои нејзиниот син ги дели училишните клупи.
– Имам дете кое страда. Многу сум загрижена поради тоа, би сакала човештвото да не е такво – изјави Меган за својот деветгодишен син.
Актерката и претходно отворено зборуваше дека нејзиниот син сака да носи фустани.
– Уште кога имаше само две години, тие му беа поомилени од панталоните – вели Меган.
Во меѓувреме, како што изјави за Glamour, прочитала многу книги на оваа тема, вклучувајќи ги и оние напишани од трансродови деца.
View this post on Instagram
Изборот на облека на својот син го гледа како негов начин на изразување.
– Некои од книгите порачуваат дека можеш да бидеш момче и да носиш фустан. Можете да се изразите преку вашата облека како што сакате. Тоа дури и не мора да има никаква врска со вашата сексуалност – рече таа.
Додаде дека со години работела за да ги охрабри Ноа и неговите браќа, Џорни и Боди, да го прифатат тоа што се. За жал, вели таа, други луѓе се тие кои имаат проблеми со личниот избор на нејзиниот син.
Таа истакна дека и е тешко што поради работата мора многу да патува и да ги остава синовите.
„Посакувам да можам да ги земам со себе, тоа би ги олеснило работите. Тешко ми е, не само поради притисоците на општеството, туку и поради тоа што сум одвоена од нив. Тие се мојата ДНК“, додаде таа.
