На балканската ѕвезда Лепа Брена по операцијата на зглобот, кој го скршила синоќа на 9 декември на концерт во Загреб, поддршка ѝ даваат и колегите.
Имено, таа објави слика и детален опис како се случил инцидентот, по што ѝ се обрати Марија Шерифовиќ.
Марија оставила пет емотикони со црвено срце под сликата на Брена, во знак на поддршка.
Освен Марија, поддршка на Брена ѝ дадоа и други јавни личности, пејачки и водители кои ѝ посакаа брзо и лесно закрепнување.
Да потсетиме, Лепа Брена ѝ се обрати на јавноста на Инстаграм откако рано утринава беше оперирана во болница во Загреб.
„Драги мои…
Животот нѐ потсети, по којзнае кој пат, колку е важно во нашите срца да чуваме и да се сеќаваме на сè убаво што имаме, бидејќи ништо не се зема здраво за готово и сè поминува брзо. Но, исто така, нѐ потсетува дека убавите моменти доаѓаат повторно и повторно.
За жал, синоќа за време на еден од незаборавните моменти на концертот, на половина концерт се случи несреќа кога снимателот падна врз мене и како последица од тој пад ја скршив ногата. Не сакав да престанам и за љубов на сите вас во Арената продолжив да пеам. Добрата вест е дека сѐ ќе биде во ред, но во моментов ми треба малку време да се опоравам. Вашата љубов, поддршка и трпение во овој период ни значат многу. Ви благодарам од сѐ срце.
Наскоро ќе ве информираме за новите термини за одложените концерти. Ви благодариме за разбирањето и што сте секогаш со нас.
Вашата Брена“, рече таа.
