Српскиот фолк пејач Аца Лукас вчера итно бил примен во Ургентниот центар поради висока температура, со пропратни здравствени проблеми, поради кои бил задржан на прегледи и испитувања.
Пејачот имал температура над 40, но и покачен ЦРП (протеин во крвта кој реагира со растење во случај на акутен воспалителен процес во организмот).
Лукас сега, по направените прегледи, го напуштил Ургентниот центар, а според информациите до кои дошол српски „Информер“, пејачот има проблеми со бубрезите и простатата.
Во оваа прилика се огласи неговиот менаџер Саша Мирковиќ.
– Почитувани, во име на Александар Вуксановиќ и во име на Хајп продукција, ве известувам дека концертите на Аце Лукас во следните неколку дена ќе бидат откажани или одложени поради неговата здравствена состојба. Сите со нетрпение го очекуваме неговото брзо закрепнување и продолжувањето на турнејата. П. С. За да не се шпекулира, станува збор за висока температура предизвикана од силна настинка, бидејќи Аца имаше повеќе од 30 настапи во претходните 60 дена и му падна имунитетот – изјави Мирковиќ.
