Креативната директорка на модната куќа Версаче, 67-годишната Донатела Версаче и нејзината 33-годишна ќерка Алегра донираа голема сума на пари на секторот за интензивна нега во болницата „Сан Рафаело“ во Милано.
Оваа болница има потреба од помош поради огромниот број на пациенти кои таму се лечат како последица од коронавирусот.
„Во вакви моменти се важни заедништвото и потпората. Но, потребно е да се помогне и на сите оние кои се во првите борбени редови против болеста и кои секојдневно се трудат да спасат стотици животи“, изјави модната дизајнерка.
„Поради таа причина јас и Алегра се одлучивме да донираме пари во секторот за интензивна нега во болницата „Сан Рафаело“ во Милано“, додаде таа.
„Нашите срца и мисли се покрај сите погодени од оваа болест, сите доктори и медицински персонал кои последните неколку недели непрекинато и несебично работат, настојувајќи да направат што е можно повеќе за нашите најмили“, изјави Донатела.
„Ова е време во кое како општество мораме да бидеме обединети и да водиме сметка едни за други“
Италија е втората најпогодена земја со коронавирусот после Кина, во која болеста се појави кон крајот на минатата година.
