Откако со својот настап на Супербол ги освои обожавателите, пејачката Шакира (43) уште еднаш ги воодушеви своите обожаватели и тоа со содржина која ја сподели на социјалните мрежи.
Колумбиската дива на Инстаграм објави видео од ќерката на познатиот хрватски фудбалер, Иван Ракитиќ, Алтиа, која игра.
„Алтиа Ракитиќ, хрватско-андалузиско девојче кое игра чампета! Толку е слатка“, напиша Шакира под видеото кое за само неколку часа собра повеќе од пет милиони прегледи.
Се чини дека на ќерката на фудбалерот на Барселона навистина и се допаѓа танцот кој го изведува Шакира, што најдобро се гледа по снимката која ја сподели пејачката.
„Најмногу го сакам овој танц. Ти благодарам Шакира“, и се заблагодари на пејачката сопругата на Ракитиќ, Ракел, во коментарите под видеото.
Инаку, Ракитиќ и Пике се соиграчи во Барселона, а Шакира е сопруга на дефанзивецот на Барселона.
