Судењето меѓу Џони Деп и Амбер Херд крена голема прашина, а сега вниманието од поранешните сопружници се сврте кон адвокатката на Деп, Камила Васкез. Нивниот близок однос во судницата поттикна гласини дека таа и Деп се во врска. Но, сепак се чиони дека адвокатката е среќно вљубена во британски агент за недвижнини.
37-годишната адвокатка, која е по потекло од Калифорнија, не зборува за приватниот живот во јавноста, не коментира во медиумите настани кои не се поврзани со судницата, а исто така не е присутна ни на социјалните мрежи.
Погледите и допирите кои Деп и Камила ги разменуваа во судницата секако дека беа забележани од будните очи на јавмста, а таквата блискост предизвика сомнеж кај многу корисници на социјалните мрежи и предизвика лавина шпекулации дека Камил е во врска со Деп.
View this post on Instagram
Понатамошните случувања дополнително го разгореа огнот. Имено, кога Камила ја прашале пред судот во Ферфакс, Вирџинија, дали е во врска со Деп, таа само се смешкала и ги кренала рамениците, но не одговорила на прашањето.
TMZ сега пишува дека Камила го смета Џони Деп за исклучително духовит и дека не може да остане рамнодушна на неговата смисла за хумор; едноставно не може да издржи без да се насмее на некоја од неговите шеги, дури и кога се во судницата.
„Што е уште поважно, нашиот извор открива дека Камила е среќно заљубена и веќе неколку месеци е во сериозна врска со британски агент за недвижности.“, пишува TMZ.
Инаку, Камила Васкез, чиј мајчин јазик е шпанскиот, е соработничка во адвокатската канцеларија „Браун Рудник“ и е еден од членовите на бројниот адвокатски тим на Деп.
По вкрстеното испрашување на Амбер Херд, Камила доби доста фанови и стана популарна на социјалните мрежи.
Интеракцијата помеѓу Камила и Амбер за време на вкрстено испрашување стана доста напната. Во еден момент, Васкез ја принуди Амбер да признае дека, и покрај претходните тврдења, не ги донирала своите 7 милиони долари од разводната спогодба во добротворни цели. После тоа, социјалните мрежи експлодираа и фановите на Деп станаа и нејзини обожаватели.
View this post on Instagram
Камила Васкез е родена во јули 1984 година, а нејзините родители Леонел и Марилија Васкез се со колумбиско потекло. Според јавните податоци, тие живеат во куќа вредна милион долари во Буена Парк.
Како што е наведено во нејзината биографија, Камила е специјализирана за клевета со дополнително искуство во спорови со договори, деловни деликти и барања поврзани со вработување.
