Пејачката Јована Пајиќ одбележува една година од објавувањето на хитот „Лудило моје“, кој означи пресвртница во нејзината кариера. Песната брзо ја освои публиката, а веќе следната песна „Презиме се брише“, дополнително ја зацврсти нејзината позиција на музичката сцена.
Круната на враќањето дојде во форма на дует со Марија Шерифовиќ – песната „Демони“, која обожавателите ја нарекуваат „женска химна“. Иако многумина сè уште ѝ го даваат епитетот „ново лице“, Јована всушност се претстави пред јавноста за прв пат пред речиси две децении, како учесничка на познатиот натпревар „Ѕвезде Гранда“, кога имаше само 15 години.
Јована е мајка на две девојчиња, Хелена и Ѓина, а по разводот со пејачот Александар Цветковиќ, тие останаа во добри односи и заедно се грижат за децата.
– Мојот живот е повлечен, мирен, исполнет со љубовта кон семејството и пријателите. Тоа е моето безбедно место. Уживам во малите нешта и ги носам сите грижи на овој свет – вели Јована со насмевка.
На прашањето дали е подготвена за нова љубов по четири години, таа одговара:
– Добивам многу љубов – од мојата ќерка, семејството, пријателите, па дури и од публиката. Ако се случи љубовна приказна, таа е добредојдена. Дотогаш – уживам во секој ден.
Кога станува збор за идеалниот партнер, Пајиќ истакнува дека не постои такво нешто како список на желби:
– Нема рецепт. Кога ќе се случи вистинското препознавање – едноставно знаете. Ги оставив естетиката и мускулите во моите помлади денови – заклучува таа.
