Пејачката Јелена Пајиќ годинава ќе настапи на „Евровизија 2025“, а еден месец пред музичкиот натпревар реши да го смени името. Јелена се одлучила на овој чекор бидејќи многумина ја мешаат со колешката Јована Пајиќ, па отсега ќе се претставува како Јелена Алин.
– Долго време размислував за промена. Постојано ме мешаат со Јована Пајиќ, па дури и се случувало да ми честитаат за песната „Лудило моје“ (се смее). Чувствував дека е време да ѝ се претставам на публиката на начин кој вистински ме одразува“, изјави Јелена, која потоа откри како се одлучила за новото име.
– Ќерка ми често ми велеше дека морам да најдам нешто препознатливо. Неодамна бевме на семејно патување во Франција, седевме во кафуле, пиевме кафе, сончев ден… и мојот очув се сети на една песна од младоста наречена „Алин“. Во тој момент сите рековме – тоа е тоа! И така настана.
Имено, Јована веднаш се огласи на Инстаграм за да ја сподели оваа вест, каде на својата колешка накратко ѝ порача: „Лудило моје“, а на коментарот додаде и емотикон во облик на срце.
