Српската пејачка Јована Пајиќ пред десетина дена настапи во дискотеката во Кочани, каде викендов избувна смртоносниот пожар. Фотографии од нејзиниот настап се достапни на официјалниот Инстаграм профил на дискотеката.
Јована сега проговори за трагедијата што се случи во Кочани. Таа рече дека веста навистина ја потресла и дека треба да се спроведе истрага.
View this post on Instagram
“Местото каде што се случи сето тоа е дискотека, тоа не е шатор во кој така лесно може да избувне пожар. Тоа што се случи е страшно, веста навистина ме потресе. Не се сеќавам кога настапив дека има некоја голема пиротехника која може да предизвика пожар”, изјавила Јована.
„Треба да се истражи што точно се случило. Не знаеме дали пожарот е подметнат, треба да се спроведе истрага“, додава таа.
За потсетување, најмалку 59 лица загинаа во пожарот, а 155 се повредени, соопшти министерот за внатрешни работи Панче Тошковски.
Пожарот се проширил на таванот и покривот на дискотеката, кој брзо изгорел. Публиката на концертот кој започна на полноќ беше претежно млада.
