Илон Маск би можел да го „влоши“ Твитер. Ова е стравот што го упати Бил Гејтс, ко-основачот на Мајкрософт, во неговиот говор на самитот на Вол Стрит Журнал, на кој се зборуваше за 44-те милијарди долари за кои основачот на Тесла постигна договор со одборот на социјалната мрежа Твитер, предизвикувајќи загриженост за растот на дезинформациите кои патуваат низ онлајн платформите.
Во својот говор, Гејтс рече дека е загрижен за причините што би можеле да го наведат Маск да ја преземе власта на Твитер, особено во однос на целта за промовирање на неодредена „слобода на изразување“.
„Како би се однесувале пред содржината во која се вели дека вакцините убиваат луѓе или пред оние кои велат дека Бил Гејтс „го следи“ однесувањето на луѓето? – прашува Гејтс – кои се неговите цели и како тие се поврзуваат со ширењето на лажни вести и теории на заговор? Дали некогаш ќе ги објави јавно?“
Во меѓувреме, според она што е објавено во меѓународниот печат, Илон Маск обезбедил средства во висина од 7,14 милијарди долари за финансирање на неговото преземање на Твитер од група инвеститори меѓу кои е и коосновачот на Oracle, Лери Елисон и Sequoia Capital. Мешу инвеститорите е и саудискиот принц Алвалид бин Талал, кој првично се спротивстави на опеацијата, но сега се согласил да биде дел од договорот со негов удел од 1,89 милијарди долари.
Маск ќе продолжи со разговори и со клучните акционери на Твитер, вклучувајќи го и поранешниот извршен директор Џек Дорси, за да ги вклучи во договорот.
Од Обединетото Кралство пак, доаѓа веста за одлуката на британскиот парламент да го покани Илон Маск на разгвор. Иницијативата ја покренла Џулијан Најт, претседател на комисијата за дигитални медиуми, со „намера да се постават прашања за идните планови за социјалната мрежа во врска со клучните прашања како што се слободата на изразување и безбедноста на корисниците.
