Пред околу 3 месеци, нашиот доктор Горан Трајковски кој живее и работи во Германија, покрена хуманитарна акција за девојката која ја нарече „Маја“. Нејзината приказна трогна многумина за кратко време, поради што оваа акција на докторот – инфлуенсер на крајот донесе резултати. „Маја“ имаше бебе, кое веќе има една година, а беше отфрлена од семејството поради одлуката, толку млада да стане мајка. Поради немањето услови да го одгледува, бебето ѝ беше одземено.
View this post on Instagram
Главната борба, таа ја водеше за да може повторно своето чедо да го држи во раце и да го гледа како расте покрај неа. Доктор Горан, во стори преку неговиот Инстаграм профил, ја објави веста дека „Маја“ конечно е вработена, обезбеден е стан и малото е во нејзините прегратки. Се разбира, се заблагодари на сите хумани луѓе кои помогнаа оваа девојка достојно да ја живее улогата на мајка, а на бебето му ја вратија жената која живот му дала. Во моментов се бара препорака за добар педијатар во околината на Центар и Дебар Маало.
Поклон и од нас до сите кои не останаа глуви на апелот од Доктор Горан. Се надеваме на повеќе освестени луѓе како вас, но на помалку судбини како оваа на „Маја“.
