Британската актерка и модел, Одри Хепберн, останала запаметена како една од најубавите актерки кои се појавиле на филм. Нејзиниот љубовен живот бил бурен, а се мажела два пати.
Еда Кетлин Ван Хемстра Хепберн-Рустон, како што гласело нејзиното целосно име, во 50-тите година била свршена со Џејмс Хенсон, за подоцна да се омажи два пати, со Мел Ферер и италијанскиот доктор Андреа Доти. Од бракот со Ферер го има синот Шон, додека од бракот со Доти има уште еден син, кој се вика Лука. Пред својата смрт го запознала Роберт Волдерс, со кој била во врска, иако никогаш не се венчале.
Неодамна на Инстаграм се појавиле фотографии од нејзината прва венчавка, со американскиот актер, режисер и продуцент Мел Ферер. Од него се развела во 1968-ма година.
На црно-белите фотографии двајцата делуваат заносно и заљубено, а за само еден ден откако биле поставени, добиле повеќе од 14.000 лајкови.
Инаку, Хепберн на почетокот на 90-тите години открила дека има рак на слепото црево. Се оперирала во Лос Анџелес, но тоа не помогнало. Починала на 20-ти јануари 1993-та година.
