Хрватската пејачка Северина Вучковиќ во една прилика учествуваше во емисија во живо и изнесе тврдења кои тогаш ги изненади сите.
Северина се најде во центарот на вниманието на јавноста во 2014 година, кога „протече“ нејзината експлицитна снимка, а потоа и во 2018 година, кога во јавноста се појавија фотографии на кои е целосно гола и стигнаа до медиумите кога ѝ беше хакиран телефонот на пејачката. Српската водителка Јована Јоксимовиќ, сопруга на Жељко Јоксимовиќ, потоа, во утринската програма што ја водеше, со своите гости ја коментираше актуелната тема за која јавноста наголемо зборуваше.
Северина дури подоцна се вклучи на емисијата „150 минути“, каде истакна дека Јована ја разочарала и изнела тврдења кои изненадиле многумина.
„Имав непријатности со вашата телевизија. Водителката во Утринската програма ги пушти моите разголени фотографии, кои ми беа хакирани од телефонот. Нашите деца играа заедно, го познавам и нејзиниот сопруг, кој пее. Во една прилика дури му го напишав и репертоарот за концерт. Значи нивното дете и моето дете си играа заедно, се дружевме, како пријатели, но неврзано со тоа, такви работи едноставно не се прават. Таа ги пушти тие фотографии во 10 часот наутро на телевизија.Тоа беше страшно“, истакнала своевремено Северина.
Јована тогаш накратко ги прокоментирала овие гласини: „Навистина не би се занимавала со тие глупости, ниту, пак, ќе ги коментирам, разберете ме“, рекла Јована.
