Еден од најголемите заводници на поранешна Југославија, актерот и музичар Франо Ласиќ, плени со својот шарм и виталност дури и во осмата деценија од животот.
Ова лето, 70-годишниот музичар одлучи да се повлече од градската врева и да ужива на хрватското крајбрежје со своето семејство. Друштво му прават сопругата Милена, која е 32 години помлада од него, и нивниот петгодишен син Николас.
View this post on Instagram
На фотографиите што Милена ги сподели на социјалните мрежи, може да се види како Франо управува со едрилицата со леснотија, додека таа и нејзиниот син уживаат.
Неговата улога како „капетан“ не е изненадување, бидејќи Ласиќ е познат како љубител на морето и едрењето, па ова е совршен начин да ја спои неговата страст и семејниот одмор.
Инаку, Франо зад себе има три брака, но се чини дека само со Милена го пронашол мирот и стабилноста што ги посакувал.
View this post on Instagram
Парот кој ја круниса својата љубов со брак во 2015 година често привлекува внимание од јавноста поради големата разлика во годините, но од нивните објави е јасно дека тоа не е пречка за нив. Напротив, Милена често се фали со моментите на среќа со сопругот и синот, покажувајќи дека заедништвото и љубовта им значат многу повеќе од предрасудите.
