Водителката Јована Јеремиќ реши да направи пауза од сите свои обврски, па ги спакува куферите и ја напушти Србија. Таа моментално е во Солун, од каде редовно се огласува во провокативни плажни изданија.
Сега, Јована објави видео на својот Инстаграм кое ги заинтригира сите. Имено, прво се снимаше себеси во кафуле со чаша шампањ во рака, а потоа го покажа и скапиот прстен кој ги заинтригира сите.
– Здраво на сите, во живо. Уживам, навистина уживам. Чекам целото мое друштво да дојде, за да можеме да уживаме заедно вечерва, со оглед на тоа што ми е последна ноќ во Солун. Се враќам дома, едвај чекам да ве видам, да го направиме најгледаното утро и навистина големи, големи работи што нè чекаат во животот. Оваа пауза беше фантастична за мене, ја вратив мојата енергија и мојата личност која е секогаш фантастична и ненадмината. Дозволете ми да ви покажам нешто што купив, всушност… купив… – рече Јеремиќ, а потоа го покажа златниот прстен со дијамант кој „боде очи“.
