Фотографката Клое Џафе неколку години се обидува преку своите фотографии да го пренесе мистериозниот живот на сопругите на јапонските јакузи.
Јакузите се припадници на јапонска криминална организација и се најбројната криминална организација во светот. Се препознаваат по кратко потшишаната коса, тетоважите по целото тело и недостатокот на малиот прст на раката.
View this post on Instagram
Фотографката Клои Џафе сакала да дознае нешто повеќе за жените омажени за јакузите, па пред неколку години ги сликала и го открила нивниот мистериозен живот.
Во јапонското општество ниту една жена не може сама да стане јакуза, но станува неприкосновен дел од кланот откако ќе се омажи за член на јакузите.
Сакајќи да дознае нешто повеќе за нив, Клои морала да најде начин да се пробие во кругот и да биде познато и пријателско лице на јакузите.
„Во работата немаше ништо сексуално. Сè што требаше беше да се дотерам, да им служам саке на мажите и да ги слушам како разговараат“, рекла Клои за Би-би-си.
View this post on Instagram
Таа сакала да ги фотографира жените и да ја сфати нивната улога во целата шема. Првата препрека што требало да ја совлада било стекнување доверба на луѓето од јакуза.
Домаќинството на јакузите изгледа како типично јапонско семејство. Мажите носат одлуки, а жените ги следат.
View this post on Instagram
Она по што се разликуваат, вели Клои, е дека не знаат дали нивниот маж вечерта ќе се врати дома.
„Улогата на жените на јакузите е улога на консултант, готвач и финансиски контролер. Секако, улогата која секоја жена ја игра во кланот е далеку посразмерна на хиерархијата на нејзиниот маж“, објаснува Клои.
View this post on Instagram
Таа на крај успеала да ги фотографира жените на јакузите откако ја стекнала довербата на нивните мажи.
Меѓу највпечатливите карактеристики на нејзините фотографии се тетоважите кои ги красат телата на жените. Тетоважите се повеќе од естетски уметнички дела на телото, тие за јакузите се заштита, но не се наменети за покажување.
View this post on Instagram
Една од најважните фотографии што ги направила Клои е емотивниот момент меѓу еден пар.
„Сите разговараа и во еден момент мажот стана, тргна кон својата жена и ја прегрна со солзи во очите“, рекла Клои.
View this post on Instagram
