Српската старлета Наташа Шавија тврди дека била претепана, а на Инстаграм објави фотографии на кои се гледаат нејзините повреди.
Имено, Наташа Шавија го покажала својот стан во кој, како што тврди, се случило насилството.
– Точно е дека повторно доживеав насилство! А знаете зошто? Затоа што насилникот е на слобода и ги исмејува сите со својата арогантност и им дава пример на другите „дека им се може“ – рекла Наташа Шавија.
– Телефонот ми беше скршен, а во него ги имам сите докази. Ова ми го направи психопат кој е опседнат со мене. Сега сум добро, тоа беше пред неколку дена. Сè е снимено во полиција, не поднесов пријава против него, не отидов во Итна помош, ништо не ми беше скршено, му благодарам на Бога – изјави Наташа Шавија за „Блиц“.
– Физички сум добро, му благодарам на Бога немаше скршеници по телото, завршив со модринки, но со оглед на тоа што ме фрли преку маса полна со чаши и шишиња, мислев некоја ќе се скрши и ќе ми се зарие во телото – рекла Наташа.
Старлетата го снимила и својот стан и покажала дека бравата е скршена, како и пораките кои ги добивала од загрижени луѓе, кои и се јавиле и проверувале во каква состојба е.
„Не можам да ја заклучам вратата од станот, бравата е скршена. Се заклучив во спалната соба“, напишала таа.
Таа тврди дека насилникот ѝ го одзел телефонот од рака.
– Ми го грабна телефонот од рака за кој две недели претходно платив 1.500 евра. Околу мене имаше 15 луѓе и соседи и сите гледаа. Не ги обвинувам луѓето затоа што гледаат лудак и мислат дека можеби има пиштол. Еве ги резултатите од се, а има уште многу повеќе. Браво за мажите!
Да потсетиме, Наташа Шавија на 1 мај минатата година се здоби со тешки телесни повреди на една свадба, а за насилство го обвини Стефан Кариќ, против кого беше покрената судска постапка.
