Српскиот пејач Стефан Здравковиќ, попознат како Принцот од Врање, ќе ја претставува Србија на „Песна на Евровизија“ што оваа година се одржува во Базел, Швајцарија, во мај.
Подготовките се наголемо во тек, а Принцот од Врање одлучил да го промени својот изглед непосредно пред натпреварот.
Пејачот отишол во салон за убавина да ја бојадиса косата и да ја смени фризурата, па повеќе нема бушава пунџа и плетенки како што го видовме на срспкиот натпревар „Песма за Евровизију“, туку се исфарбал во потемна нијанса, малку ја скратил косата и ја исфенирал во бранови. Фризерот кој се грижи за неговата фризура истакнува дека е горд што го убедил Принцот од Врање да ги тргне плетенките и повеќе да не се враќа на таквиот стајлинг.
Неговиот нов изглед можете да го погледнете во видеото.
@lukapott.hair Preparations for Eurovision 2025 @Princ od Vranje #schwarzkopfprofessional #hairstyle #hairdresser #belgrade #haircolor #eurovision2025 ♬ original sound – Lukapot.hair
Да потсетиме, Принцот од Врање ќе ја претставува Србија со песната „Мила“.
По победата на српската „Песма за Евровизију“, песната малку ја изменил и доработил еден од најдобрите српски кантавтори, Жељко Јоксимовиќ.
Потсетуваме, иако дипломирал на Филолошкиот факултет, Принцот од Врање одлучил да вплови во музичките води, а малкумина знаат дека и неговите родители се музичари.
