Семејството на српската фолка пејачка Александра Пријовиќ и Филип Живојиновиќ има голема причина за славење. Сопругот на Александра Пријовиќ денеска го слави роденденот, а многумина би се согласиле со познатата изрека дека тој „старее како вино“.
Филип Живојиновиќ денеска го слави 41-от роденден, а веќе од полноќ честитките почнале да се нижат.
Прва на социјалните мрежи се огласила неговата мајка, Зорица Накиќ, која му честитала на својот син со емотивна порака: „Среќен роденден, сине, твојата мајка те сака бескрајно“, напишала таа, а потоа објавила фотографија од Филип од тинејџерскиот период, а коментарите дека згодниот Живојиновиќ бил преслатко момче продолжиле да се нижат.
А Борка Михајловиќ, мајката на Александра Пријовиќ, односно тешта на Филип, објавила негова фотографија со емотикон во форма на срце за да го одбележи овој посебен датум, со што уште еднаш покажала дека има хармоничен однос со својот зет.
Да потсетиме дека неодамна Филип и Александра уживаа во семеен одмор во Црна Гора со своите деца, каде што поминаа некое време на новата јахта на Лепа Брена и Боба Живојиновиќ, опкружени со семејството и пријателите.
Филип е син на Боба Живојиновиќ и Зорица Накиќ.
