Започна последната недела од Велигденскиот пост, која носи длабоко духовно значење и симболика. Се нарекува и Страсна недела и се смета за најстрога. Последната недела од постот е најстрога и духовно најпредизвикувачка, бидејќи верниците се трудат да ја исчистат својата душа преку пост, молитви и покајание.
Храната приготвена на вода е основната исхрана во текот на оваа недела, а многу верници се одлучуваат за најстрогиот облик на пост: само леб, сол и овошје. Маслото и виното се дозволени само на Велики четврток, кога се сеќаваме на воспоставувањето на Светата тајна причест.
Српската фолк пејачка Светлана Цеца Ражнатовиќ ги обележува сите верски празници и го почитува секој пост, а во една прилика открила што јаде во текот на постот. Едно од нејзините омилени посни јадења е питата со печурки, на која додава свежо цеден сок од домати.
Цеца Ражнатовиќ во една прилика открила дека не е вешта во кујната, но дека е добра домаќинка.
– Мајка ми инсистираше на тоа јас и Лидија навреме да научиме сè што е поврзано со готвењето, но сега би излажала ако кажам дека тоа и го правам. Не уживам во тоа, ниту тоа ме интересира. Да се разбереме, ако морам, секако дека би го направила тоа. Ништо од тоа не ми е туѓо, туку едноставно, имам можност за избор. Не сум некоја готвачка, но затоа сум одлична домаќинка. Секогаш кога доаѓаат гости кај мене, тие се добро послужени, угостени и јас стојам зад она што го зборувам – изјавила претходно Цеца.
