Српскиот актер и режисер Драган Бјелогрлиќ, кој во моментов е во центарот на вниманието поради филмот „Чувари на формулата“, повеќе од 25 години ужива во љубовта со својата избраничка Маја, со која ги има синот Алексеј и ќерката Миа.
Тој вешто се труди својот приватен живот да го држи подалеку од љубопитните очи на јавноста, но во едно интервју, пред повеќе од 15 години, откри како по само две недели познавање ја однел Маја во семејната куќа во банатското село Баранда.
По возбудливото ноќно излегување во Белград, актерот во мугрите ја однел Маја до Баранда. Застанале под едно дрво, а тој, покажувајќи ѝ ја куќата и големиот двор, рекол: „Обиди се сето ова да го опфатиш само со еден поглед. Ако си паметна, твоите деца ќе растат овде“.
Бјелогрлиќ со семејството изградил луксузен дом во Белград на кој можат да му позавидат и холивудските ѕвезди. Кога актерот еден зимски ден ги собрал колегите во својот дом, дружењето го овековечил со фотографија на која се гледа како живее актерот.
View this post on Instagram
Врвните актери на чело со познатиот Бјела собраа многу лајкови, меѓутоа, следбениците го забележале пространиот и стилски опремен дом во кој доминираат златна и беж боја, модерен мебел, а посебно внимание привлекол еден старински лустер кој на просторијата ѝ дал екстравагантна нота.
Освен раскошната дневна соба, на Инстаграм може да се ѕирне и во работнатата соба на Бјелогрлиќ, резервирана исклучиво за деловни планови и состаноци. Покрај масата од масивно дрво, тука е и фотелјата, ламбата, како и бројни постери и слики на ѕидовите.
