Приказните за разводот на поранешната српска тенисерка Ана Ивановиќ и поранешниот германски фудбалер Бастијан Швајнштајгер со месеци ги полнат медиумските рубрики, а речиси секој ден се појавуваат нови „информации“ за односот на двојката и за тоа што довело до крах на љубовта.
Наводно, Бастијан веќе е фотографиран со новата избраничка, а како што објавуваат германските медиуми, станува збор за мажена Бугарка чии деца одат во истото училиште како и децата на Ана и Бастијан.
– Бастијан го поминува секој момент со неа, се запознале на Мајорка. Нејзините деца одат во истото училиште како и децата на Бастијан Швајнштајгер и Ана Ивановиќ. Таму поранешниот фудбалер ја запознал Силва. Во еден момент се зближиле и неколку месеци подоцна следувало разделувањето на Бастијан и Ана. Швајнштајгер веќе се иселил од дома и отпатувал на романтично патување со новата партнерка во Мароко. Во претходните години, Бастијан уживаше на патувањата во Мароко со Ана, а сега е таму со Силва – изјавил близок извор за „Билд“.
Silva & Bastian pic.twitter.com/BcxFmpQ4Qp
— yanoxx 🇺🇦 🇵🇸 (@yanoxxtweet) June 6, 2025
Меѓутоа, сега се појавија приказни дека не станува збор за Бугарка, туку за Ели Колинс, ПР консултант и водителка која и претходно била поврзувана со спортисти.
Колинс е позната по своето умерено медиумско присуство и дискретен начин на живот. Таа никогаш јавно не зборувала за своите врски, па дури ниту сега не ги коментира наводите за односот со Бастијан, иако заедничките фотографии сè повеќе зборуваат сами за себе.
Нивната поврзаност прво беше забележана на ексклузивен настан по повод финалето на Лигата на шампионите, но тогаш не привлече посебно внимание.
Меѓутоа, најновите фотографии од Мајорка, на кои Швајнштајгер и русокосата шетаат на плажа, предизвикаа лавина од коментари и дополнителни шпекулации за нивната врска.
Според извори на „Билд“, Бастијан започнал нова романтична врска додека формално траел бракот со Ана. Извори блиски до поранешната двојка тврдат дека не станува збор за минлива авантура, туку за сериозна емотивна врска, додека можноста за помирување со Ана ја сметаат за затворена тема.
