Хрватската пејачка Северина овие денови патуваше на концерти, а за време на еден од летовите беше фотографирана со екипажот на „Кроација ерлајнс“. Авиокомпанијата ги сподели фотографиите на својот Инстаграм профил.
„Кога ѕвездите летаат со нас… Оваа недела имавме чест да бидеме домаќини на една од најголемите музички диви Северина. Со насмевки, срдечност и топлина, таа го разубави денот на нашиот екипаж и на сите во кабината. Летот со неа беше вистинска музичка симфонија, но над облаците“, напишаа во описот на објавата.
Инаку, Северина пееше во Дизелдорф. По Дизелдорф, Северина настапи во Пореч, каде што доби необичен подарок – југословенски дрес.
