Српскиот тенисер Новак Ѓоковиќ и неговата сопруга Јелена денес се еден од најпознатите и најстабилните парови на јавната сцена, а нивната љубов, заедништво и меѓусебна поддршка се инспирација и пример за многумина. Во љубов се од 2005 година, во брак од 2011 година. Имаат две деца – 10-годишниот син Стефан и седумгодишната ќерка Тара, а сега се појави стара фотографија од нивните средношколски денови која целосно ги воодушеви јавноста.
И Новак Ѓоковиќ и Јелена, тогаш Ристиќ, оделе во спортската гимназија во Белград. Двајцата тренирале тенис. Нив ги запознал заеднички пријател, а сè по тоа запознавање е добро позната историја. Тие повеќепати се присетиле на своите почетоци, а Јелена во една прилика раскажала дека ги зближиле крстозборите.
Novak Djokovic literally married his high school crush. This is deadass tougher than winning 24 grand slams 😭
Another reason why he’s the GOAT 🐐 pic.twitter.com/hGOYKRRvRY
— SK (@Djoko_UTD) January 30, 2025
„Ние бевме само деца кога првпат се запознавме. Бевме на тениски турнир во еден клуб на Баново брдо. Тренирав тенис долго време, до свои 15 години, па имавме заедничко друштво. Тој решаваше некој крстозбор, јас бев до него, па тој ме замоли да му помогнам и така почнавме да го решаваме заедно, но потоа повремено се среќававме и секогаш убаво се дружевме, но без никакво навестување дека некогаш ќе се забавуваме. Почнавме да се забавуваме дури по три години“, рекла еднаш Јелена Ѓоковиќ, а Новак открил дека бил заљубен до уши во неа во средношколските денови.
Обожавателите на тенисот првпат имаа можност да ја видат на турнирот во Амерсфорт во 2006 година, кога Новак ја освои првата титула, а потоа таа му стана редовна поддршка на трибините – особено откако ги заврши студиите во Милано.
Старите фотографии кои најмногу привлекуваат внимание се оние на кои можеме да видиме како изгледале Новак и Јелена во тинејџерските години, како наивни, неоптоварени и вљубени деца, пред славата, очекувањата и притисокот. И она што е најдобро – по две децении, тие сè уште изгледаат исто толку вљубено и среќно.
Тоа го забележале и бројните корисници на социјалната мрежа Икс, порано позната како Твитер, кои со комплименти ја преплавија фотографијата на Новак и Јелена насмеани и прегрнати, позирајќи пред големите букети рози.
„Нивната насмевка и среќата во очите не се променија. Новак очигледно сè прави како што треба“, гласел најпопуларниот коментар, што е, всушност, и суштината на целата приказна.
