Пред нешто повеќе од еден месец, српската фолк пејачка Александра Пријовиќ (29) роди ќерка, Арија. Иако во последно време ги избегнува медиумите, пејачката се појави во јавноста во понеделникот – на свадбата на колегата Урош Живковиќ.
Александра го привлече вниманието веднаш штом се појави, одлучувајќи се за елегантен темен костум кој ја истакнуваше нејзината нова, беспрекорна фигура, само неколку недели по породувањето. На свадбата пристигна во друштво на полубратот на својот сопруг, Виктор Живојиновиќ, со кого позираше и кратко разговараше со публиката.
View this post on Instagram
„Дали е можно жена да изгледа вака еден месец по породувањето? Неверојатно, секоја чест, кралице“, се само дел од коментарите.
За потсетување, пејачката роди девојче, Арија, на 3 септември во приватна клиника во Белград. Породувањето помина без компликации, а Александра брзо се опорави. Ова е второ дете на Александра со нејзиниот сопруг Филип Живојиновиќ (40), таа веќе го има шестгодишниот син Александар.
Претходно, многумина беа заинтересирани како познатата пејачка ќе се грижи за детето, со оглед на тоа што нејзиното секојдневие е исполнето со бројни обврски. Сепак, пејачката ќе ангажира стручна помош.
Како што претходно објави српски „Информер“, идната дадилка ќе има задача да се грижи за бебето, но и за постариот син Александар. За оваа одговорна улога се нуди месечна плата до 5.000 евра, но со високи барања – целосна достапност 24 часа и строга дискреција.
