Секогаш совршено стилизирана, младата пејачка е инспирација за своите бројни фанови. На социјалната мрежа „Инстаграм“ активно ја следат скоро 100.000 следбеници, од нашата земја како и голем дел од балканските земји, особено соседна Србија.
Нашата позната пејачка Антониа Гиговска постојано е во чекор со светските трендови. За нејзиниот изглед „од глава до пети“ се грижи професионален тим на стилисти од нашата земја како и од надвор од границите. Гиговска од самиот почеток работи со врвни професионалци, не само околу создавањето на музика туку и околу нејзиниот комплетен изглед како млада музичка ѕвезда која допрва ја очекува блескава кариера.
Овој пат пејачката направи храбра промена во изборот на боја за коса. Долгата коса на Антониа заблеска во виолетова боја, која одлично и прилега. По промената следеа и многу комплименти за новиот изглед на пејачката која постојано објавува фотографии по промената на својот инстаграм – профил.
По секоја објавена фотографија на Антониа следи лавина од комплименти и поддршка за младата пејачка од бројните фанови кои уживаат во нејзината музикa, но овој пат по оваа промена пејачката наиде и на негативни коментари.
– Како ви се допаѓааааамм? Јас се заљубив во оваа Антониа, стои во описот на објавата на пејачката кога за прв пат ја покажа промената на својот инстаграм – профил.
View this post on Instagram
„Ме исплаши“, „Искрено, на човек веќе не личиш. Од таква убава и природна девојка останаа само сеќавања. Жалосно“, „Малку повеќе грозно“, се малиот број на негативни коментари кои следбениците на пејачката ги оставија под фотографијата каде Антониа за прв пат позира со новата боја на коса, но позитивните коментари ги засенија бидејќи беа во поголем број.
Како ви се допаѓа новата боја на коса на Антониа?
