Анастасија Ражнатовиќ и фудбалерот Немања Гудељ одбележуваат две години откако стапнаа на „лудиот камен“.
Во оваа пригода, Анастасија сподели дел од романтичната атмосфера од домот на славниот пар преку социјалните мрежи.
На својата Инстаграм приказна, Анастасија објави видео од подарокот што го добила од својот сопруг — балон во облик на срце со порака „Те сакам“, луксузен букет црвени рози и мече со натпис „Љубов“. Овој нежен гест не остана незабележан кај нејзините следбеници, кои го изразија своето воодушевување во коментарите и им честитаа на двојката за годишнината.
– Во брак две години. До бесконечност – изјави Анастасија со емотивно видео.
По свадбата, Анастасија се преселила со Немања во Шпанија, каде што брзо го научила јазикот и се прилагодила на новата средина.
– Во Севиља бев принудена да зборувам шпански, бидејќи никој не зборува англиски. Не ми беше тешко да научам, имав претходно знаење од теленовели. Најмногу ми недостига мајка ми, ние двете сме многу блиски. Како најдобри пријателки сме, и сè што ми се случува прво ѝ го кажувам нејзе – изјави неодамна Анастасија.
