Ана Ивановиќ се огласи на Инстаграм покажувајќи ново модно издание, во долг летен фустан со горен дел во форма на топ. Познатата Србинка позирала со широка насмевка… и боса.
Тениската ѕвезда Ана Ивановиќ е позната по елегантниот стил. Одвреме-навреме се појавува во попровокативни модни изданија, но секогаш ја задржува мерката на добриот вкус. И кога носи провокативни парчиња облека, тоа го прави со стил.
Пример за ова е токму фустанот што го носи Ана Ивановиќ. Колоритот на облеката е комбинација од црна боја и огромен, раскошен детаљ што изгледа многу атрактивно. Горниот дел ги открива рамената, може да се носи без долна облека, но може да се комбинира и со стандардна „seamless“ долна облека во боја на кожа или соодветни прерамки/боди кои не се забележливи под тесна облека.
Ана избрала фустан од модниот бренд „Кала де ла Круз“ (Cala de la Cruz). Цената на овој фустан и слични модели на официјалната веб-страница се движи од 495 до 500 евра.
View this post on Instagram
Оваа креација совршено се вклопува во модниот стил на познатата тенисерка која ја сака едноставноста, а со тоа и софистицираноста во облеката.
„Кала де ла Круз“ е луксузен моден бренд од Колумбија кој за кратко време стана апсолутен хит на глобалната сцена на високата улична модата и меѓу колекциите облека за одмор и за плажа. Модниот бренд е основан во 2018 година во градот Кали, Колумбија. Го покренала креативната директорка Каролина Лопез Круз со својата мајка Лилијана.
Инаку, зборот „cala“ на шпански јазик значи мал, скриен и полукружен залив каде што морето мирно се спојува со брегот. Името на брендот го претставува токму тоа замислено, топло и безгрижно место под сонцето каде што владее радосна атмосфера.
Заштитен знак на модната куќа се рачно нацртаните и оригинални принтови што ги дизајнира Каролина. Сите парчиња облека се произведуваат исклучиво во Колумбија, преку соработка со мали, семејни работилници и локални претпријатија од Кали. На овој начин, се поддржува локалната економија.
Ана го избрала фустанот „Дафне“, кој од двете страни е украсен со набори, и на тој начин овие детали визуелно ја обликуваат половината и колковите на многу ефектен начин. Моделот е изработен од жерсе со многу еластаи. Материјалот е еластичен и удобен.
Ана Ивановиќ донесе верзија на фустанот во црна боја со златно-жолт мотив на сонце под назив „Surya Black & White“, а брендот секоја сезона брендот го носи истиот „Daphne“ крој во нови, впечатливи дезени, од ретро ботанички и цветни мотиви до геометриски шари инспирирани од тропски пејзажи.
